Sunday, September 4, 2011

Маја Којчева

Себераспнување

Е, тоа боли пријателе -
кога нераспнат од Другите се распнуваш себеси
(и тоа без предупредување
и исклучиво по сопствена волја).



Пронаоѓање - Кој јас сум - Ти

Те пронаоѓам тебе - Ти
во себе - Си.



Цената на колонијализмот

Ако појдеш крај Ајфелова кула,
Не ги одминувај Црнците,
Таква е бојата на светлината во Париз!



Себеуништување или Маниеров синдром

Се разорав комплетно,
Сега не можам ни цврсто да стојам на земја.
Дали беше моментот за сè да доведам под прашалник?



Ме јанѕу

Ме јанѕу, навистина!



Маја Којчева (1983) е постдипломец на Катедрата за македонска книжевност.
„Јас vol.2 - Мравки“ е нејзина втора објава со која беше номинирана и за наградата „Браќа Миладиновци“ на Струшките Вечери на поезијата 2011 год. Нејзина поезија се има појавено и во неколку поетски алманаси на литературниот клуб „Мугри“ при Филолошкиот факултет „Блаже Конески“ во Скопје.

– од збирката „Јас vol.2 – Мравка“ (Скопје, 2010)

No comments:

Post a Comment